హీరో సల్మాన్​ఖాన్​​ హత్యకు కుట్ర.. కారణం అదే

ప్రముఖ హీరో సల్మాన్​ను చంపేందుకు యత్నించిన షార్ప్​ షూటర్స్​ను అదుపులోకి తీసుకున్నారు పోలీసులు. కృష్ణ జింకలను వేటాడినందుకే అతడిపై కోపం పెంచుకున్న ఓ గ్యాంగ్​స్టర్.. ఈ హత్యాయత్నానికి పాల్పడ్డాడు.

బాలీవుడ్ నటుడు సల్మాన్ ఖాన్​ను హత మార్చేందుకు వేసిన కుట్రను హరియాణా ఫరీదాబాద్ పోలీసులు ఛేదించారు. గ్యాంగ్‌స్టర్ లారెన్స్ బిష్ణోయ్ ముఠాలోని షార్ప్ షూటర్ రాహుల్ సహా పలువురిని అదుపులోకి తీసుకున్నారు. వారి నుంచి తుపాకులు స్వాధీనం చేసుకున్నారు. గతంలో కృష్ణ జింకలను సల్మాన్​ వేటాడినందుకు అతడిపై కోపం పెంచుకున్న లారెన్స్​.. భాయ్​ను చంపించేందుకు యత్నించాడని అధికారులు వెల్లడించారు. ​

బాలీవుడ్ నటుడు సల్మాన్‌ను చంపే బాధ్యతను రాహుల్‌కు అప్పగించాడు లారెన్స్. అతడు గత జనవరిలో ముంబయి వెళ్లాడు. బాంద్రాలోని సల్మాన్ భవంతి వద్ద రెక్కీ నిర్వహించి, చంపేందుకు యత్నించి విఫలమయ్యాడు. ఈ నేపథ్యంలోనే పోలీసులు రాహుల్​ను అరెస్టు చేసి విచారించగా, ఈ విషయం వెలుగులోకి వచ్చింది.

ఇది చూడండి 'పీపీఈ కిట్ల కోసం పెయింటింగ్స్​ వేలం'