Shannu breakup: సోషల్‌మీడియా స్టార్స్‌, బిగ్‌బాస్‌ ఫేమ్‌ దీప్తి సునయన, షణ్ముఖ్ బ్రేకప్ చెప్పేసుకున్నారు. వ్యక్తిగత కారణాలతో తమ ప్రేమ బంధానికి పుల్‌స్టాప్‌ పెడుతున్నట్లు దీప్తి ప్రకటించారు. ఈ మేరకు ఆమె ఇన్‌స్టాలో ఓ పోస్ట్‌ పెట్టారు.
"ఎంతో ఆలోచించిన తర్వాత నేను, షణ్ముఖ్ పరస్పర అంగీకారంతో ప్రేమ బంధం నుంచి విడిపోయి.. మా దారులు మేం చూసుకోవాలని నిర్ణయించుకున్నాం. బ్రేకప్ నిర్ణయం మా మధ్య ఎంతోకాలం నుంచి నడుస్తోంది. ఈక్రమంలోనే మేమిద్దరం కలిసి ఉండటానికి ఎంతో ప్రయత్నించి.. నిజ జీవితాన్ని విస్మరించాం. మా దారులు వేరని అర్థమైంది. ఇలాంటి క్లిష్ట పరిస్థితుల్లో మాకు మీ అండ ఎంతో అవసరం. దయచేసి మా వ్యక్తిగత స్వేచ్ఛకు భంగం కలిగించరని కోరుకుంటున్నాం" అని దీప్తి తెలిపారు.