సమంత ప్రధాన పాత్రలో గుణశేఖర్‌ తెరకెక్కిస్తున్న చిత్రం 'శాకుంతలం'. మహాభారతం ఆదిపర్వంలోని శాకుంతల, దుష్యంతుల ప్రేమ కథ ఆధారంగా రూపొందుతోంది. టైటిల్‌ పాత్రని సమంత పోషిస్తుండగా మలయాళ నటుడు దేవ్‌ మోహన దుష్యంతుడిగా నటిస్తున్నారు. పాన్‌ ఇండియా స్థాయిలో ఈ చిత్రం రానుంది. అయితే అధికారికంగా ప్రకటించకపోయినా ఈ క్రేజీ ప్రాజెక్టులో బాలీవుడ్‌ విలక్షణ నటుడు కబీర్‌ బేడీ నటిస్తున్నట్టు హింట్ ఇచ్చారు నిర్మాత నీలిమ గుణ. తాను రాసిన 'స్టోరీస్‌ ఐ మస్ట్‌ టెల్‌: ది ఎమోషనల్‌ లైఫ్‌ ఆఫ్‌ ఏన్‌ యాక్టర్‌' పుస్తకాన్ని నీలిమకు ఇటీవల అందించారు కబీర్‌.
'థ్యాంక్‌ యు కబీర్‌ సర్‌. మీతో పనిచేయడం ఎంతో ఆనందంగా ఉంది. ఈ పుస్తకాన్ని చదవకుండా ఉండలేను'అని ట్విట్టర్‌ వేదికగా తన అభిప్రాయం వ్యక్తం చేశారు నీలిమ. దాంతోపాటు శాకుంతలం హ్యాష్‌ట్యాగ్‌ జతచేసి, ఈ చిత్రంలో కబీర్‌ నటిస్తున్నారనే విషయాన్ని చెప్పకనే చెప్పారు. హిందీ, తమిళ చిత్రాలతోపాటు ఇటాలియన్‌ చిత్రాల్లోనూ నటించి, మెప్పించారు కబీర్‌.
నాట్యం పాట విడుదల..
ప్రముఖ కూచిపూడి నర్తకి సంధ్యారాజ్ ప్రధాన పాత్రలో నటించిన చిత్రం నాట్యం. రేవంత్ కోరుకొండ దర్శకత్వం వహించాడు. ఈ చిత్రంలోని నమఃశివాయ అంటూ సాగే పాటను నందమూరి బాలకృష్ణ లాంఛనంగా విడుదల చేశారు. జగద్గురు ఆది శంకరాచార్యులు రచించిన ఈ పాటకు శ్రవణ్ భరద్వాజ్ సంగీతాన్ని అందించగా.. లలిత, కాలభైరవ ఈ పాటను ఆలపించారు. నమఃశివాయ పాట చాలా బాగుందని, తన నియోజకవర్గ పరిధిలోని లేపాక్షిలో ఈ పాటను చిత్రీకరించడం ఎంతో ఆనందాన్ని ఇచ్చిందని బాలకృష్ణ తెలిపారు. నాట్యంలో నటించిన సంధ్యారాజ్, కమల్ కామరాజుకు అభినందనలు తెలిపిన బాలకృష్ణ.. బహుముఖ ప్రజ్ఞాశాలిగా నాట్యం చిత్రం కోసం పనిచేసిన దర్శకుడు రేవంత్ను బాలకృష్ణ ప్రత్యేకంగా ప్రశంసించారు.
మొక్కలు నాటండి..
తన పుట్టినరోజు ఆగస్టు 9 సందర్భంగా అభిమానులందరూ మొక్కలు నాటాలని సూపర్ స్టార్ మహేశ్ బాబు పిలుపు నిచ్చారు. ప్రకృతి సమతుల్యత, కాలుష్య నివారణ దిశగా గ్రీన్ ఇండియా ఛాలెంజ్ చేపడుతున్న కార్యక్రమంలో భాగంగా ప్రతి అభిమాని 3 మొక్కలు నాటి తనపై అభిమానం చాటుకోవాలని ఇన్స్టాగ్రామ్ వేదికగా మహేశ్ బాబు కోరారు. నాటిన మొక్కలతో ఫొటోలు తీసి తనకు ట్యాగ్ చేయాలని సూచించిన మహేశ్.. వాటన్నింటిని తాను స్వయంగా చూస్తానని ప్రకటించారు. మహేశ్ బాబు తీసుకున్న నిర్ణయం పట్ల ఎంపీ సంతోష్ కుమార్ హర్షం వ్యక్తం చేశారు. ప్రపంచ వ్యాప్తంగా ఉన్న మహేశ్ బాబు అభిమానులు మొక్కలు నాటి ఆదర్శంగా నిలుస్తారని ఆశాభావం వ్యక్తం చేశారు. మరోవైపు అదే రోజు మహేశ్ నటించిన సర్కారు వారి పాట సినిమా ప్రచార చిత్రం విడుదల కానుంది.
ఆకట్టుకుంటున్న దుర్గ పోస్టర్..