'జెర్సీ' షూటింగ్ పూర్తి.. షాహిద్ భావోద్వేగం

టాలీవుడ్​లో ఘనవిజయం సాధించిన 'జెర్సీ' సినిమా హిందీలో రీమేకవుతోంది. ఈ చిత్రంలో షాహిద్ కపూర్ హిరోగా చేస్తున్నాడు. తాజాగా చిత్ర షూటింగ్ పూర్తయింది. ఈ నేపథ్యంలో ఓ భావోద్వేగ సందేశాన్ని పోస్ట్ చేశాడు షాహిద్.

నేచురల్ స్టార్ నాని హీరోగా తెరకెక్కిన 'జెర్సీ' చిత్రం టాలీవుడ్​లో విమర్శకుల ప్రశంసలు అందుకుంది. ప్రస్తుతం ఈ సినిమా బాలీవుడ్​లో రీమేక్ అవుతోంది. షాహిద్ కపూర్ హీరో. తాజాగా ఈ చిత్ర షూటింగ్ ముగిసిన నేపథ్యంలో ఓ భావోద్వేగ సందేశాన్ని పోస్ట్ చేశాడు షాహిద్. కరోనా విపత్కర పరిస్థితుల్లోనూ షూటింగ్​లో పాల్గొన్న వారికి ధన్యవాదాలు తెలుపుతూ ఇన్​స్టా వేదికగా సినిమాకు సంబంధించిన ఫొటోలు పంచుకున్నాడు.

"కరోనా సమయంలోనూ 47 రోజుల పాటు షూటింగ్ చేశాం. 'జెర్సీ' సినిమా షూటింగ్​ ఎట్టకేలకు ముగిసింది. ఈ సినిమా కోసం పనిచేసిన చిత్రబృందానికి ధన్యవాదాలు. ఇన్ని తక్కువ రోజుల్లో షూటింగ్ ముగించడం అద్భుతం".

-షాహిద్ కపూర్​, బాలీవుడ్ నటుడు.

ఈ పోస్ట్​తో పాటు మరో ఫొటో షేర్​ చేశాడు షాహిద్. చేతులు వెనక్కిపెట్టుకుని మైదానంలో నిల్చున్న ఈ ఫొటోని కొద్ది సమయంలోనే ఐదు లక్షల మంది అభిమానులు లైక్ చేశారు.

జెర్సీ షూటింగ్​లో భాగంగా దిగిన ఫొటో

షూటింగ్​లో పాల్గొన్న సభ్యులందరూ కలిసి బ్యాట్​, బంతి ఆకారంలో తయారు చేసిన కేక్​ను కట్​ చేశారు. ఈ ఫొటోనూ షేర్​ చేసిన షాహిద్​.. '2019 డిసెంబర్ 14న ప్రారంభమై 2020 డిసెంబర్​ నాటికి షూటింగ్​ ముగిసింది. సినిమా కోసం పనిచేసిన ప్రతి ఒక్కరికీ ధన్యావాదాలు' అని క్యాప్షన్​ ఇచ్చాడు.

కేక్​ కట్​ చేస్తోన్న జెర్సీ చిత్ర బృందం

ఇదీ చదవండి:'ఆచార్య' సెట్​లో కాజ‌ల్-కిచ్లూ జంటకు మెగాశీస్సులు