షాహిద్ కపూర్ హీరోగా నటించిన 'కబీర్ సింగ్' 200 కోట్ల క్లబ్ దాటి 300 కోట్ల దిశగా అడుగులేస్తోంది. ఓవర్ నైట్ లో పెద్ద హిట్ అందుకున్న ఈ హీరో.. పారితోషికం విషయంలో తగ్గేది లేదంటున్నాడు. కబీర్ సింగ్ విడుదలకు ముందు ఓ చిత్రానికి 15 కోట్లు అందుకున్న షాహిద్.. ప్రస్తుతం 35 కోట్లు డిమాండ్ చేస్తున్నాడని సమాచారం.
తనతో సినిమా తీయాలనుకునే దర్శక, నిర్మాతలకు ఈ విషయాన్ని ముందే చెప్పేస్తున్నాడట షాహిద్. బాలీవుడ్ లో ఇంతవరకు ఈ స్థాయి విజయాన్ని అందుకోలేదు ఈ హీరో. తొలిసారి వంద కోట్ల క్లబ్లో చేరిన షాహిద్.. కబీర్సింగ్ విజయంతో వచ్చిన క్రేజ్ను క్యాష్ చేసుకోవాలనుకుంటున్నాడంటూ గుసగుసలు వినిపిస్తున్నాయి.