'జీరో' చిత్ర ఫలితం షారుఖ్ ఖాన్‌కు పెద్ద షాక్‌ ఇచ్చిందనే చెప్పాలి. ఈ సినిమా విడుదలై ఏడాది కావొస్తున్నా ఈ హీరో నుంచి ఇంతవరకు మరే కొత్త చిత్ర ప్రకటనా బయటకి రాలేదు. ఇకపై కథల ఎంపికలో జాగ్రత్తగా వ్యవహరించాలని చూడటమే షారుఖ్ ఆలస్యానికి కారణమని తెలుస్తోంది. కానీ, ఇప్పుడు బాద్షా నుంచి ఓ కొత్త సినిమా అధికారిక ప్రకటన బయటకొచ్చింది.
దాని సారాంశమేంటంటే.. యువ హీరో అభిషేక్ బచ్చన్‌తో షారుఖ్ ఓ సినిమా చేయబోతున్నాడు. అలాగని ఇది మల్టీస్టారర్‌ చిత్రమని అనుకున్నారంటే మీరు పప్పులో కాలేసినట్లే. ఎందుకంటే ఈ కొత్త మూవీలో అతడు నటించట్లేదు.. కేవలం నిర్మిస్తున్నాడంతే.