'శ్రీకారం'లో శర్వానంద్​ పాత్ర నిజమేనా!

విభిన్న పాత్రలతో టాలీవుడ్​లో ప్రత్యేక గుర్తింపు తెచ్చుకున్నాడు యువ హీరో శర్వానంద్. ప్రస్తుతం 'శ్రీకారం' సినిమాలో నటిస్తున్నాడు. వ్యవసాయ నేపథ్యంలో సాగే ఈ చిత్రంలో రైతు పాత్రలో కనిపించనున్నాడని సమాచారం.

వరుస సినిమాలతో దూసుకుపోతున్నాడు హీరో శర్వానంద్. ఇటీవలే 'రణరంగం'తో అలరించాడు. ఈ సినిమా విడుదలకు ముందే 'శ్రీకారం'లో నటించడానికి అంగీకరించాడు. ఇందులో శర్వా రైతుగా కనిపించనున్నాడని తెలుస్తోంది.

'శ్రీకారం' షూటింగ్​ త్వరలోనే హైదరాబాద్​లో మెుదలుకానుంది. ఎక్కువ భాగం చిత్రీకరణ తిరుపతి, అనంతపురంలో జరగనుందట.

ఈ చిత్రంతో కిషోర్​ రెడ్డి దర్శకుడిగా పరిచయమవుతున్నాడు. 14రీల్స్​ ప్లస్​ సంస్థలో రామ్​ ఆచంట, గోపీ అచంట నిర్మిస్తున్నారు. మిక్కీ జే మేయర్​ సంగీతం అందించనున్నాడు. వచ్చే ఏడాది సంక్రాంతి కానుకగా ప్రేక్షకుల ముందుకురానుందీ సినిమా.

ఇదీ చూడండి: 'నీకోసం' చిత్రబృందానికి పవర్ స్టార్ అభినందన