నవంబరు 23 నుంచి నాన్​స్టాప్​ కూత మొదలు

లాక్​డౌన్​ కారణంగా ఆగిపోయిన 'సీటీమార్'​ చిత్రీకరణ నవంబరు 23 నుంచి పునఃప్రారంభం కానుంది. ఈ విషయాన్ని దర్శకుడు సంపత్​ నంది ట్విట్టర్​లో వెల్లడించారు.

'కబడ్డీ.. కబడ్డీ.. కబడ్డీ' అంటూ మళ్లీ కూత మొదలుపెట్టబోతున్నారు హీరో గోపీచంద్​. సంపత్​ నంది దర్శకత్వంలో ఆయన నటిస్తున్న తాజా చిత్రం 'సీటీమార్​'. శ్రీనివాస చిట్టూరి నిర్మిస్తున్నారు. తమన్నా కథానాయిక. నటి భూమిక ప్రధానపాత్ర పోషిస్తున్నారు. ఇందులో గోపీచంద్​, తమన్నా కబడ్డీ కోచ్​లుగా కనిపించబోతున్నారు.

కరోనా పరిస్థితులతో ఆగిన ఈ చిత్రం.. నవంబరు 23 నుంచి పునఃప్రారంభం కాబోతుంది. దీపావళి సందర్భంగా ఈ విషయాన్ని చిత్ర దర్శకుడు ట్విట్టర్​లో తెలియజేశారు. "కూత మొదలు.. నవంబరు 23 నుంచి ఇక నాన్​స్టాప్​" అని దర్శకుడు సంపత్​ నంది ట్వీట్​ చేశారు. ఈ చిత్రాన్ని మణిశర్మ సంగీతాన్ని అందిస్తున్నారు.