గోపీచంద్ 'సీటీమార్' విడుదల ఖరారు

గోపీచంద్, తమన్నా ప్రధానపాత్రల్లో సంపత్ నంది తెరకెక్కిస్తోన్న చిత్రం 'సీటీమార్'. తాజాగా ఈ సినిమా విడుదల తేదీని ప్రకటించింది చిత్రబృందం.

కథానాయకుడు గోపీచంద్, దర్శకుడు సంపత్​ నంది కాంబినేషన్​లో రూపొందుతోన్న కొత్త చిత్రం 'సీటీమార్​'. కబడ్డీ నేపథ్యంతో తెరకెక్కనున్న సినిమాలో.. గోపీచంద్​ సరసన హీరోయిన్​గా తమన్నా నటిస్తోంది. తాజాగా ఈ సినిమా రిలీజ్ డేట్​ను ప్రకటించింది చిత్రబృందం. ఏప్రిల్ 2న ఈ చిత్రాన్ని ప్రేక్షకుల ముందుకు తీసుకొస్తున్నట్లు వెల్లడించింది.

ఇందులో గోపీచంద్‌ ఆంధ్ర కబడ్డీ జట్టుకు కోచ్‌గా, తమన్నా తెలంగాణ జట్టుకు కోచ్‌గా నటిస్తున్నారు. పల్లెటూళ్లో ఉంటూ హీరోని ప్రేమించే పాత్రలో మరో కథానాయిక దిగంగన నటిస్తోంది. ప్రతి సన్నివేశం హృదయాన్ని హత్తుకునేలా ఉంటుందని చిత్రవర్గాలు తెలిపాయి. పోసాని కృష్ణమురళి, రావు రమేష్‌, భూమిక, రెహమాన్‌ తదితరులు నటిస్తున్న ఈ చిత్రానికి ఛాయాగ్రహణం: ఎస్‌.సౌందర్‌రాజన్‌, సంగీతం: మణిశర్మ.