ప్రస్తుతం కరోనా సెకండ్‌ వేవ్ దేశాన్ని కుదిపేస్తోంది. ఈ నేపథ్యంలో వైద్య నిపుణులతో పాటు, పలువురు ప్రముఖులు ప్రజలను అప్రమత్తంగా ఉండాలని హెచ్చరిస్తున్నారు. అగ్ర కథానాయకుడు మహేశ్బాబు కూడా అదే సూచన చేస్తున్నారు. అవసరమైతేనే బయటకు రావాలని, అది కూడా తప్పనిసరిగా మాస్క్ ధరించాలని విజ్ఞప్తి చేశారు. ఈ మేరకు వరుస ట్వీటులు చేశారు.
అవసరమైతేనే బయటకు రండి: మహేశ్బాబు - మహేశ్బాబు మూవీ న్యూస్
కొవిడ్ సెకండే వేవ్ తీవ్రంగా ఉన్న నేపథ్యంలో హీరో మహేశ్ వరుస ట్వీట్లు చేశారు. అవసరమైతేనే బయటకు రావాలని ప్రజలకు సూచించారు. మాస్క్ తప్పనిసరిగా ధరించాలని అన్నారు.
మహేశ్బాబు
"రోజురోజుకూ కొవిడ్-19 తీవ్రమవుతోంది. బయటకు వచ్చినప్పుడు మాస్క్ ధరించడం మర్చిపోవద్దు. అవసరమైతేనే బయటకు వెళ్లండి. ఒకవేళ కరోనా బారినపడితే ఏ లక్షణాలతో బాధపడుతున్నారో పరిశీలన చేసుకోండి. వైద్యుల సలహా మేరకు మాత్రమే ఆస్పత్రికి వెళ్లండి. దీని ద్వారా అవసరమైన వారికి పడకలు అందుతాయి. ఈ విపత్కర పరిస్థితుల నుంచి మరింత దృఢంగా తయారవుతామని నేను నమ్ముతున్నా. ప్రతి ఒక్కరూ సురక్షితంగా ఉండండి" -ట్విటర్‌లో మహేశ్బాబు
మహేశ్‌బాబుతో బాటు పలువురు సినీ నటులు కూడా కరోనా విషయంలో ప్రజలను అప్రమత్తం చేస్తున్నారు. మరోవైపు సినీ నిర్మాణ సంస్థలు కరోనా బాధితులకు అవసరమైన సమాచారాన్ని ట్విటర్‌ వేదికగా పంచుకుంటూ వారి అవసరాలను తీర్చడంలో కీలకంగా వ్యవహరిస్తున్నాయి.