దేశద్రోహం కేసులో తన వాంగ్మూలాన్ని సమర్పించడానికి బాలీవుడ్ నటి కంగనా రనౌత్ హాజరయ్యారు. ఈ కేసుతో పాటు ఆమెపై ఉన్న ఇతర ఆరోపణలపై వివరణ ఇచ్చేందుకు శుక్రవారం తన సోదరి రంగోలీతో కలిసి బాంద్రా పోలీసు స్టేషన్కు చేరారు. ఈ నేపథ్యంలో వై-ప్లస్ కేటగిరీ భద్రత నడుమ ఆమె విచారణకు వచ్చారు.
ఏం జరిగిందంటే?
గతేడాది అక్టోబరులో సోషల్మీడియా వేదికగా విద్వేషాన్ని సృష్టించే పోస్టులు పెట్టారని నటి కంగనా రనౌత్తో పాటు ఆమె సోదరి రంగోలీపై ఆరోపణలు వచ్చాయి. ఈ నేపథ్యంలో వారిద్దరిపై చట్టపరమైన చర్యలు తీసుకోవాలని పలువురు బాంద్రా మేజిస్ట్రేట్ను ఆశ్రయించారు. కోర్టు ఆదేశం మేరకు ఐపీసీ 153-ఏ, 295-ఏ, 124-ఏ, 34 సెక్షన్ల కింద కంగన సిస్టర్స్పై బాంద్రా పోలీసులు కేసు నమోదు చేశారు.
ఈ కేసులో విచారణకు హాజరు కావాలంటూ కంగనా రనౌత్కు పోలీసులు మూడు సార్లు నోటీసులు పంపినా.. అందుకు ఆమె హాజరు కాలేదు. అయితే ఈ కేసు విచారణలో పాల్గొనేందుకు కొంత సమయం కావాలని నవంబరులో కంగన న్యాయస్థానాన్నిను ఆశ్రయించగా.. ఈ కేసుపై కోర్టు మధ్యంతర ఉత్తర్వులు జారీ చేసింది. జనవరి 8న పోలీసుల ఎదుట విచారణకు హాజరై తమ వాంగ్మూలాన్ని సమర్పించాలని కోర్టు ఆదేశించింది.
ఇదీ చూడండి:నేహా శర్మ అందానికి కుర్రకారు బేజారు!
