లాక్‌డౌన్తో ఇంటికే పరిమితమైన సినీ సెలబ్రిటీలు.. తమ భవిష్యత్‌ ప్రాజెక్టుల విషయంలో జోరు చూపిస్తున్నారు. ఈ విరామ సమయంలో చక్కగా కథలు వింటూ ఆసక్తికరమైన ప్రాజెక్టులకు పచ్చజెండాలు ఊపేస్తున్నారు. యువ కథానాయకుడు శర్వానంద్ కూడా ఇదే పనిలో ఉన్నాడు.
ఇప్పటికే శర్వా నుంచి 'శ్రీకారం' చిత్రం విడుదలకు సిద్ధంగా ఉండగా.. అజయ్‌ భూపతితో చేయాల్సిన 'మహా సముద్రం' సెట్స్‌పైకి వెళ్లేందుకు రెడీగా ఉంది. కిషోర్‌ తిరుమల దర్శకత్వంలోనూ ఓ సినిమా పట్టాలెక్కించనున్నాడు.