Sarkaru Vaari Paata Song: సూపర్స్టార్ మహేశ్బాబు హీరోగా నటిస్తున్న కొత్త సినిమా 'సర్కారు వారి పాట'. శనివారం ఈ చిత్రంలోని లీకైన 'కళావతి' పాటను అధికారికంగా విడుదల చేసింది చిత్రబృందం. ఈ సినిమాలో కీర్తిసురేశ్ హీరోయిన్గా నటించింది. తమన్ సంగీతమందించారు. పరశురామ్ దర్శకత్వం వహించారు. మైత్రీమూవీ మేకర్స్ విడుదల చేసిన ఈ మూవీ మే 12న థియేటర్లలోకి రానుంది.
కాగా, మహేశ్బాబు- ఆయన కూతురు సితారకు సంబంధించిన రెండు ఫొటోలు అభిమానులను తెగ అలరిస్తున్నాయి. ఇందులో వీరిద్దరూ సరదాగా ఫైటింగ్ చేస్తూ కనిపించారు. 'ఆదివారం సెలవు రోజున నాన్న ప్రశాంతంగా గడపకుండా దాన్ని చెడగొట్టే మిషన్లో పాల్గొంటూ బిజీగా ఉన్నా' అంటూ సితార కామెంట్ చేసింది. 'అయ్యయ్యో వద్దమ్మా' అంటూ మహేశ్ ఫ్యాన్స్ కామెంట్స్ చేస్తున్నారు.
Ramcharan Shankar movie: రామ్చరణ్ కథానాయకుడిగా శంకర్ దర్శకత్వంలో ఓ సినిమా చేస్తున్నారు. పొలిటికల్‌ బ్యాక్‌డ్రాప్‌లో పాన్‌ ఇండియా స్థాయిలో ఈ చిత్రం రూపొందుతోంది. తాజాగా ఈ చిత్రానికి సంబంధించిన ఓ ఆసక్తికర విషయం సామాజిక మాధ్యమాల వేదికగా చక్కర్లు కొడుతోంది. ఇందులో చరణ్ రెండు విభిన్న గెటప్పులో కనిపిస్తారట. ఉన్నతాధికారిగా ఒక గెటప్‌లో సీరియస్‌గా కనిపిస్తూనే సాధారణ వ్యక్తిగా మరో గెటప్‌లో అలరించనున్నారట.
కాగా, ఈ సినిమా షూటింగ్ కోసం ఆయన నేడు(ఆదివారం) రాజమండ్రి చేరుకున్నరని తెలిసింది! దీనికి సంబంధించిన ఫొటోలు నెట్టింట్లో వైరల్ అవుతున్నాయి. ఇక ఈ మూవీలో కియారా అడ్వాణీ కథానాయికగా నటిస్తోంది. దిల్‌రాజు నిర్మిస్తున్నారు. ప్రస్తుతం సెట్స్‌పైన ఉన్న ఈ సినిమా వచ్చే ఏడాది సంక్రాంతి కానుకగా విడుదల చేయాలని చిత్ర బృందం భావిస్తోంది.
ఇదీ చూడండి: నేహాశెట్టి ఎమోషనల్.. ఆ వ్యక్తి తనతో లేరంటూ
