కరోనా తగ్గుముఖం పట్టడం వల్ల సినిమాల షూటింగ్లు జోరందుకున్నాయి. అలాగే థియేటర్లూ ఓపెన్ కావడం వల్ల రిలీజ్ డేట్స్, ప్రమోషన్లు, అప్డేట్స్ అంటూ చిత్రబృందాలు హడావుడి చేస్తున్నాయి. ఈ క్రమంలోనే మహేశ్ బాబు హీరోగా పరశురామ్ తెరకెక్కిస్తోన్న 'సర్కారు వారి పాట' సినిమా అప్డేట్ ఇచ్చేసింది చిత్రబృందం. ఈ మూవీకి సంబంధించిన ఫస్ట్ లుక్ను విడుదల చేసింది. ఆగస్టు 9న మహేశ్ పుట్టినరోజు సందర్భంగా టీజర్ను రిలీజ్ చేయనున్నట్లు వెల్లడించారు. అలాగే మూవీని సంక్రాంతి కానుకగా జనవరి 13న విడుదల చేస్తున్నట్లు స్పష్టం చేశారు. దీంతో అభిమానులు సంతోషం వ్యక్తం చేస్తున్నారు.
'సర్కారు వారి పాట' ఫస్ట్లుక్ ఆగయా.. సంక్రాంతికి రిలీజ్
మహేశ్ బాబు హీరోగా నటిస్తోన్న 'సర్కారు వారి పాట' నుంచి అప్డేట్ వచ్చేసింది. ఈ మూవీకి సంబంధించిన ఫస్ట్ లుక్ రిలీజ్ చేసింది చిత్రబృందం. ఇందులో మాస్ లుక్లో అదరగొట్టాడు సూపర్ స్టార్.
మహేశ్ బాబు, మహేశ్ కొత్త సినిమా
ఈ సినిమాలో కీర్తి సురేశ్ హీరోయిన్గా చేస్తోంది. అర్జున్ ప్రతినాయకుడిగా నటిస్తున్నారు. తమన్ సంగీత దర్శకుడు. బ్యాంకుల ఎగవేత నేపథ్య కథాంశం ఆధారంగా ఈ చిత్రాన్ని తెరకెక్కిస్తున్నట్లు సమాచారం. ఇందులో మహేశ్బాబు సరికొత్త లుక్లో స్టైలిష్గా కనిపించనున్నారట.
Last Updated : Jul 31, 2021, 4:31 PM IST