సూపర్స్టార్ మహేశ్బాబు హీరోగా నటిస్తున్న చిత్రం 'సర్కారు వారి పాట'. కీర్తి సురేశ్ కథానాయిక. పరశురామ్ దర్శకత్వం వహిస్తున్న ఈ సినిమా కొత్త షెడ్యూల్ గోవాలో శుక్రవారం నుంచి ప్రారంభమైంది. ఫైట్ మాస్టర్స్ రామ్-లక్ష్మణ్ ఆధ్వర్వంలో భారీ యాక్షన్ సీక్వెన్స్ చిత్రీకరణ షురూ చేశారు.
దీనికి సంబంధించిన ఫోటోను చిత్రబృందం విడుదల చేసింది. ఇందులో మహేశ్ బాబుకు దర్శకుడు పరశురామ్ సీన్ వివరిస్తూ కనిపించారు.
బ్లాస్టర్ రికార్డ్స్..
ఇటీవల మహేశ్ పుట్టినరోజు కానుకగా విడుదలైన 'సర్కారు వారి పాట' బ్లాస్టర్.. యూట్యూబ్లో దూసుకెళ్తోంది. ఇప్పటికే 31 మిలియన్ వ్యూస్తో రికార్డుల వైపు పరుగులు పెడుతోంది. ఈ టీజర్లో.. స్టైలిష్ లుక్స్తో ఆకట్టుకున్నారు ప్రిన్స్. 2022 సంక్రాంతి కానుకగా జనవరి 13న చిత్రం విడుదల కానుంది.