కేరళకు పయనమైన 'సరిలేరు నీకెవ్వరు'

ప్రిన్స్ మహేశ్ బాబు నటిస్తోన్న 'సరిలేరు నీకెవ్వరు' చిత్రం కేరళకు పయనమైంది. కీలక సన్నివేశాలను అక్కడ చిత్రీకరించేందుకు సిద్ధమైంది చిత్రబృందం.

సూపర్​స్టార్ మహేశ్ బాబు, రష్మికా మంధాన ప్రధానపాత్రల్లో నటిస్తోన్న చిత్రం 'సరిలేరు నీకెవ్వరు'. అనిల్ రావిపూడి దర్శకత్వం వహిస్తున్నాడు. శరవేగంగా షూటింగ్ జరుపుకొంటున్న ఈ చిత్రం తాజాగా కేరళకు పయనమైంది. ఇది చాలా కీలకమైన షెడ్యూల్ అని.. ముఖ్యమైన సన్నివేశాలను చిత్రీకరిస్తారని తెలుస్తోంది.

ఈ సినిమాలో విజయశాంతి ఓ కీలకపాత్ర చేస్తోంది. తమన్నా ప్రత్యేక గీతంలో మెరవనుంది. అనిల్ సుంకర, దిల్ రాజు సంయుక్తంగా నిర్మిస్తున్న ఈ చిత్రానికి దేవి శ్రీ ప్రసాద్ సంగీతం అందిస్తున్నాడు.

'మహర్షి' లాంటి భారీ హిట్ తర్వాత మహేశ్ నుంచి వస్తున్న సినిమా కావడం వల్ల ప్రేక్షకుల్లో అంచనాలు భారీగా ఉన్నాయి. వచ్చే ఏడాది జనవరి 12న సంక్రాంతి కానుకగా ఈ చిత్రం విడుదలకానుంది.

ఇవీ చూడండి.. షారుక్ నిర్మాతగా కొరియన్ రీమేక్​లో కత్రినా..!