'సరిలేరు నీకెవ్వరూ' నుంచి మరో సర్​ప్రైజ్​

సూపర్​స్టార్​ మహేశ్​బాబు నటిస్తోన్న 'సరిలేరు నీకెవ్వరూ' సినిమా నుంచి మరో అప్​డేట్​ను విడుదల చేసింది చిత్రబృందం. ఇప్పటికే ప్రచార కార్యక్రమాలు జోరందుకోగా.. తాజాగా టీజర్ విడుదల​ తేదీపై క్లారిటీ ఇచ్చింది.

'సరిలేరు నీకెవ్వరూ' సినిమాకు సంబంధించిన టీజర్ కోసం అభిమానులు ఆసక్తిగా ఎదురు చూస్తున్నారు. ఇందుకు సంబంధించిన అప్​డేట్​ను తాజాగా వెల్లడించింది చిత్రబృందం. నవంబర్ 22న టీజర్​ను విడుదల చేయనున్నట్లు నేడు ప్రకటించింది. ఇందులో మహేశ్​... మేజర్​ అజయ్​ కృష్ణగా నటించిన సన్నివేశాలు, కర్నూలు కొండారెడ్డి బురుజు వద్ద తీసిన సీన్లు కనిపిస్తాయని సమాచారం. రష్మిక మందన్న కథానాయికగా ఆకట్టుకోనుంది. విజయశాంతి కీలకపాత్ర పోషిస్తోంది.

ప్రస్తుతం ఈ సినిమా చిత్రీకరణ కేరళలోని అంగామలై అటవీ ప్రాంతంలో జరుగుతోంది. నవంబర్‌ 22 వరకు ఈ షెడ్యూల్‌ కొనసాగుతుంది. అనంతరం నవంబర్‌ 25 నుంచి హైదరాబాద్‌లో తదుపరి షూటింగ్​ జరగనుంది. దిల్‌రాజు, రామబ్రహ్మం, మహేశ్‌బాబు నిర్మాతలుగా వ్యవహరిస్తున్నారు. దేవిశ్రీ స్వరాలు సమకూర్చాడు. వచ్చే ఏడాది జనవరి 12న సినిమా ప్రేక్షకుల ముందుకు రానుంది.