ప్రముఖ హీరో సూపర్స్టార్ మహేశ్బాబు మేజర్ పాత్రలో నటిస్తున్న సినిమా 'సరిలేరు నీకెవ్వరు'. ఇప్పటికే ప్రచార కార్యక్రమాల్లో బిజీగా ఉన్న చిత్రబృందం త్వరలో ప్రీరిలీజ్ వేడుకను నిర్వహించనుంది. మెగాహీరో రామ్చరణ్.. ఈ కార్యక్రమానికి ముఖ్య అతిథిగా హాజరు కానున్నాడని సమాచారం.
ముందుగా ఈ ఈవెంట్కు ఎన్టీఆర్ను తీసుకురావాలని చిత్రబృందం ప్రయత్నించిందట. సోదరుడు కల్యాణ్రామ్ 'ఎంతమంచివాడవురా' చిత్రం విడుదలకు సిద్ధంగా ఉండటం వల్ల తారక్ ఆ సినిమా ప్రచార కార్యక్రమానికి హాజరు కానున్నట్లు తెలుస్తోంది. అందుకనే 'సరిలేరు' బృందం.. చరణ్వైపు మొగ్గు చూపినట్లు సమాచారం.
'సరిలేరు నీకెవ్వరు'లో రష్మిక హీరోయిన్. దేవి శ్రీ ప్రసాద్ సంగీతమందిస్తున్నాడు. అనిల్ రావిపూడి దర్శకత్వం వహిస్తున్నాడు.