'సరిలేరు నీకెవ్వరు' సర్​ఫ్రైజ్​లు ఇవే..

మహేశ్ బాబు, రష్మిక ప్రధాన పాత్రలు పోషిస్తోన్న చిత్రం 'సరిలేరు నీకెవ్వరు'. ఈ సినిమా ప్రమోషన్లలో భాగంగా ప్రతి సోమవారం ఓ పాటను విడుదల చేసేందుకు చిత్రబృందం సన్నాహకాలు చేస్తుంది.

ఈ ఏడాది 'మహర్షి'తో భారీ విజయాన్ని అందుకున్న టాలీవుడ్ సూపర్​స్టార్ మహేశ్ బాబు.. 'సరిలేరు నీకెవ్వరు'తో పలకరించనున్నాడు. సంక్రాంతికి ప్రేక్షకుల ముందుకు రానున్న ఈ చిత్ర ప్రమోషన్లను వినూత్నంగా చేయనున్నారు.

ఇకపై డిసెంబర్ నెల ప్రతి సోమవారం సినిమాలోని ఓ పాటను విడుదల చేయనున్నట్లు చిత్రబృందం తెలిపింది. అంటే ఐదు సోమవారాలు, ఐదు పాటలను ప్రేక్షకుల ముందుకు తీసుకురానుంది.

అనిల్‌ రావిపూడి దర్శకత్వంలో తెరకెక్కుతోన్న 'సరిలేరు నీకెవ్వరు' సినిమాలో మహేశ్​కు జోడీగా రష్మిక నటిస్తుండగా.. విజయశాంతి, ప్రకాష్‌రాజ్, రాజేంద్రప్రసాద్‌ తదితరులు ముఖ్య పాత్రలు పోషిస్తున్నారు. సంక్రాంతి కానుకగా జనవరి 11న ప్రేక్షకుల ముందుకు రానుందీ చిత్రం.

ఇవీ చూడండి.. అందుకే లయ 'అరవింద సమేత'లో నటించలేదు