ఇటీవలే 'మహర్షి'తో విజయాన్ని అందుకున్నాడు హీరో మహేశ్బాబు. కొత్త సినిమా 'సరిలేరు నీకెవ్వరు' చిత్రీకరణలో పాల్గొనేందుకు సిద్ధమయ్యాడు. కశ్మీర్లో తొలి షెడ్యూల్ జరుపుకోనుంది. అనిల్ రావిపూడి దర్శకుడు. రష్మిక మందణ్న హీరోయిన్. 2020 సంక్రాంతికి విడుదల కానుంది.
హీరో మహేశ్ను కశ్మీర్‌కు పంపేందుకు వీలుగా అన్నపూర్ణ స్టూడియో నుంచి ప్రత్యేకంగా ఓ రైలు వేయించబోతున్నారట దర్శకుడు అనిల్ రావిపూడి. ‘ఏంటి.. ఇక్కడ నుంచి ప్రత్యేక రైల్లో పంపిస్తున్నారా?’ అని ఆశ్చర్యపడకండి. చిత్రంలో మహేశ్ కశ్మీర్ నుంచి ఆంధ్రాకు రైలులో ప్రయాణిస్తాడు. అందులో ముఖ్యమైన కామెడీ సీన్లు ఉన్నాయి. అవి అవుట్డోర్లో తీస్తే అభిమానులతో ఇబ్బంది ఎదురయ్యే అవకాశముంది. అందుకే ప్రత్యేక రైలు సెట్ను రూపొందించేందుకు సిద్ధమైంది చిత్రబృందం.