సారా అలీఖాన్.. ఈ అందాల తార సొగసులకు, అభినయానికి ఫిదా అవ్వని సినీప్రియులు ఉండరు. అయితే ఇప్పుడు చూస్తున్న సారా రూపం వెనుక ఎంతో క్రమశిక్షణతో కూడిన కష్టం, ఓర్పు ఉన్నాయి.
రూపు కోసం ఎంతో శ్రమ...
ఒకప్పుడు పీసీఓడీ (పొలిసైటిక్‌ ఓవరీ సిండ్రోమ్‌)తో బాధపడేది సారా. దీని వల్ల ఆమె భారీకాయంతో బాధపడేదట. శరీరంలోని హార్మోన్ల అసమతుల్యత వల్ల ఈ పరిస్థితి తలెత్తింది. అయితే ఇలాంటి పరిస్థితి నుంచి బయటపడటానికి ఆమె ఎంతో కష్టపడింది. కఠినమైన ఆహార నియమాలు, కసరత్తులు చేసింది. తాజాగా ఈ విషయాన్ని స్వయంగా వెల్లడించింది. అమెరికాలో డిగ్రీ చివరి సంవత్సరం చేస్తున్నప్పటి నుంచి బరువు తగ్గించుకోవడానికి ప్రయత్నాలు ప్రారంభించి చివరికి ఈ సుందర రూపంలోకి మారింది.