ప్రఖ్యాత బాలీవుడ్ నటుడు సంజయ్దత్ నిర్మించిన మరాఠీ చిత్రం 'బాబా'.. గోల్డెన్ గ్లోబ్స్ విదేశీ భాషా విభాగంలో ఉత్తమ మోషన్ పిక్చర్‌గా ఎంపికైంది. వచ్చే ఏడాది ప్రదర్శించనున్నారు. ఆర్.రాజ్.గుప్తా దర్శకత్వంలో వచ్చిన ఈ సినిమా విమర్శకుల ప్రశంసలందుకుంది.
కథేంటి..?
చెవిటి, మూగ దంపతులు ఓ బాలుడిని తెచ్చి పెంచుకుంటారు. అయితే పుట్టగానే పిల్లాడ్ని వదిలేసిన అతడి సొంత తల్లి, బాబును తిరిగి ఇవ్వాలంటూ కోర్టుకు వెళుతుంది. ఈ కారణంతో ఆ దంపతులు ఇద్దరూ జైలుపాలవుతారు. ఆ తర్వాత ఏమైందనేదే ఈ చిత్ర కథాంశం. సున్నితమైన ఈ కథను తెరకెక్కించిన విధానం ప్రేక్షకుల్ని ఆకట్టుకుంది.