టాలీవుడ్ ప్రిన్స్ మహేష్బాబు హీరోగా అనిల్ రావిపూడి దర్శకత్వంలో తెరకెక్కుతోన్న చిత్రం 'సరిలేరు నీకెవ్వరూ.' శరవేగంగా షూటింగ్ జరుపుకుంటోన్న ఈ సినిమాలో 'ఖడ్గం' ఫేం సంగీత ఓ కీలకపాత్రలో నటించనుందని సమాచారం. ఆ పాత్రకు సంగీత అయితే బాగుంటుందని చిత్రబృందం భావిస్తోందట.
'ఖడ్గం' సినిమాతో మంచి గుర్తింపు తెచ్చుకున్న సంగీత ఆ తర్వాత తెలుగులో వరుసగా అవకాశాలు దక్కించుకుంది. వెంకటేశ్, బాలకృష్ణ వంటి స్టార్ హీరోల సరసన నటించింది. ఆ తర్వాత ఎక్కువగా తమిళ చిత్రాలు చేసిన ఈ నటి 2009లో పెళ్లి చేసుకుని సినిమాలు చేయడం తగ్గించింది.