గాయని లతా మంగేష్కర్​కు 'సైకత' కానుక

సైకత కళాకారుడు సుదర్శన్​ పట్నాయక్.. ప్రముఖ గాయని లతా మంగేష్కర్​ సైకత శిల్పాన్ని రూపొందించి ఆమెకు జన్మదిన శుభాకాంక్షలు చెప్పారు.

ప్రముఖ గాయని లతా మంగేష్కర్​ 90వ పుట్టినరోజు సందర్భంగా.. ఆమెకు వినూత్నంగా శుభాకాంక్షలు చెప్పారు ప్రముఖ సైకత శిల్పి సుదర్శన్ పట్నాయక్. పూరీ సముద్ర తీరాన తంబూరతో ఉన్న ఆమె ముఖచిత్రాన్ని ఇసుకలో రూపొందించారు.

సుమారు 7 టన్నుల ఇసుకను ఉపయోగించి, 5 అడుగుల పొడుగు, 20 అడుగుల వెడల్పుతో ఈ సైకత శిల్పాన్ని రూపొందించారు సుదర్శన్. దేశంలో ఉన్న కోట్ల మందికి ఆమె స్ఫూర్తిదాయకమని ప్రశంసించారు. పూరీ జగన్నాథుని ఆశీస్సులు లతా మంగేష్కర్​పై ఎల్లవేళలా ఉంటూ ఆరోగ్యంగా ఉండాలని కోరుకున్నారు.

గాయనిగానే కాకుండా సంగీత దర్శకురాలిగానూ పేరు సంపాదించింది లతా మంగేష్కర్. పలు ప్రాంతీయ భాషల్లో పాటలు పాడి కోట్లాది మందికి ఆరాధ్యురాలిగా మారింది. ఈమెను దీది, నైటింగల్​ ఆఫ్ ఇండియా అని అభిమానులు ముద్దుగా పిలుస్తుంటారు.

ఇది చదవండి: మహీ... రిటైర్మెంట్ ఆలోచన రానీయొద్దు: గాయని లతా మంగేష్కర్​