ముద్దుగుమ్మ సమంత.. 'శాకుంతలం' సినిమాలోని తన షూటింగ్ పూర్తిచేసింది. ఈ విషయాన్ని ట్విట్టర్లో పోస్ట్ చేసిన ఈ భామ.. దర్శకుడు గుణశేఖర్పై ప్రశంసలు కురిపించింది. తన కలను నిజం చేసినందుకు ఆయనకు ధన్యవాదాలు తెలిపింది.
"ఈ సినిమా(శాకుంతలం) నాకు జీవితాంతం గుర్తుండిపోతుంది. చిన్నపిల్లగా ఉన్నప్పుడు చాలా కథలు చదివడం, వినడం సహా నమ్మేదాన్ని. ఇప్పటికీ అలా చేస్తున్నాను. అయితే అలాంటి కథలో నటించే అవకాశమిచ్చి, నా కలను నిజం చేశారు గుణశేఖర్ సార్. ఆయన కథ చెబుతున్నప్పుడే అందమైన 'శాకుంతలం' ప్రపంచంలోకి నేను వెళ్లిపోయాను. మేం దీనిని తెరపై అంతే అందంగా తీసుకురాగలమా అని కొంచెం భయపడ్డాం. అయితే నా ఊహాలకు తగ్గట్లే ఆ ప్రపంచాన్ని సృష్టించారు గుణశేఖర్ సార్. నాలోని చిన్నపిల్ల ఇప్పుడు ఆనందంతో గంతులేస్తోంది" అని సమంత రాసుకొచ్చింది.