స్టార్ హీరోయిన్ సమంత(Samantha) కథానాయిక ప్రాధాన్యం ఉన్న చిత్రాలకు కేరాఫ్‌గా మారింది. ఇటీవలే 'శాకుంతలం'(Samantha Shakuntalam) సినిమాను పూర్తి చేసింది. కొన్ని రోజులుగా విశ్రాంతి తీసుకుంటున్న ఆమె ఇంతలోనే కొత్త కథకు పచ్చజెండా ఊపేసింది(Samantha New Movie). ఓ కొత్త దర్శకుడు చేయనున్న సినిమా అది. శ్రీదేవి మూవీస్‌ పతాకంపై శివలెంక కృష్ణప్రసాద్‌ నిర్మించనున్నారు. వినూత్నమైన కథ కావడం వల్ల, సమంత వెంటనే సినిమా చేయడానికి అంగీకరించారని, నవంబర్‌ నుంచి ఆ సినిమా ప్రయాణం మొదలు కానుందని తెలిసింది. అదీ కథానాయిక ప్రాధాన్యం ఉన్న సినిమా అని సమాచారం.
కాగా శనివారం సమంత తిరుమల శ్రీ వేంకటేశ్వరస్వామిని(samantha at tirumala) దర్శించుకున్నారు. వీఐపీ ప్రారంభ దర్శన సమయంలో స్వామివారి సేవలో ఆమె పాల్గొన్నారు. అనంతరం రంగనాయకుల మండపంలో స్వామివారి తీర్థప్రసాదాలను ఆమె స్వీకరించారు.