సమంత ప్రధాన పాత్రలో నటించిన కొత్త చిత్రం 'ఓ బేబీ'. తాజాగా ఈ సినిమా రెండో లిరికల్ పాటను విడుదల చేసింది చిత్రబృందం. 'నాలో మైమరుపు నాకే కను సైగ చేస్తే ఇలా..' అంటూ సాగే ఈ పాట ఆకట్టుకుంటోంది. సమంత, నాగశౌర్యలపై తీసిన ఈ పాటను మోహనా భోగరాజు ఆలపించారు. మిక్కీ జే మేయర్ సంగీతమందించారు.
ఓ బేబీ చిత్రంలో ఈ సాంగ్ విన్నారా..!
సమంత నటించిన 'ఓ బేబీ' చిత్రంలో రెండో పాటను చిత్రబృందం సోమవారం విడుదల చేసింది. మిక్కీ జే మేయర్ సంగీతం అందించారు. జులై 5న సినిమా విడుదల కాబోతుంది.
సమంత
'ఇలా ఈ క్షణం శిలై మారితే లిఖించాలి ఈ జ్ఞాపకం' అంటూ సాగుతున్న ఈ పాటకు సాహిత్యాన్ని భాస్కరభట్ల అందించారు. 'ఆశలన్ని మళ్లీ పూసగుచ్చుతుంటే.. ఉన్నపాటుగా నేనే తుళ్లిపడుతు ఉన్నా' అంటూ శ్రోతల్నీ అలరిస్తోంది.
నందిని రెడ్డి ఈ సినిమాకు దర్శకత్వం వహించారు. లక్ష్మి, రావురమేశ్, రాజేంద్ర ప్రసాద్ కీలక పాత్రల్లో నటించారు. 2014లో వచ్చిన కొరియన్ సినిమా 'మిస్ గ్రానీ'కి రీమేక్గా తెరకెక్కిన 'ఓ బేబీ' జులై 5న ప్రేక్షకుల ముందుకు రానుంది.