'భీమ్లానాయక్'​ ప్రీ రిలీజ్ వేడుక వాయిదా..​ దేవకన్యలా సమంత

Samantha Sakuntalam first look: నేడు(సోమవారం) జరగాల్సిన పవన్​కల్యాణ్​ 'భీమ్లానాయక్'​ ప్రీరిలీజ్​ ఈవెంట్​ వాయిదా పడింది. కాగా, సమంత నటించిన 'శాకుంతలం' సినిమా ఫస్ట్​లుక్​ విడుదలై అభిమానులను ఆకట్టుకుంటోంది.

Bheemlanayak pre release event: నేడు(సోమవారం) జరగాల్సిన 'భీమ్లానాయక్' ప్రీ రిలీజ్​ వేడుక వాయిదా పడింది. ఏపీ మంత్రి మేకపాటి గౌతమ్​ రెడ్డి హఠాన్మరణం వల్ల ఈ కార్యక్రమాన్ని వాయిదా వేస్తున్నట్లు తెలిపారు హీరో పవన్​కల్యాణ్​. ​"ఆంధ్రప్రదేశ్ రాష్ట్ర మంత్రి మండలిలో కీలక బాధ్యతల్లో ఉన్న శ్రీ మేకపాటి గౌతమ్ రెడ్డి హఠాన్మరణం వల్ల నెలకొన్న ఈ విషాద సమయంలో భీమ్లా నాయక్ సినిమా వేడుక చేసుకోవడానికి నా మనసు అంగీకరించడం లేదు. అందుకే నేడు జరగాల్సిన 'భీమ్లా నాయక్' ప్రీ రిలీజ్ కార్యక్రమాన్ని వాయిదా వేయాలని నిర్ణయించాం. ఈ వేడుక త్వరలోనే జరుగుతుంది. వివరాలను చిత్ర నిర్మాణ సంస్థ తెలియజేస్తుంది." అని పవన్​ పేర్కొన్నారు.

'శాకుంతలం' ఫస్ట్​లుక్​

Samantha shakuntalam movie: సమంత ప్రధానపాత్రలో నటించిన సినిమా 'శాకుంతలం'. ఎప్పుడో షూటింగ్ పూర్తి కాగా, ప్రస్తుతం నిర్మాణనంతర కార్యక్రమాలు జరుగుతున్నాయి. తాజాగా ఈ సినిమా ఫస్ట్​లుక్​ను విడుదల చేసింది చిత్రబృందం. ఇందులో సమంత దేవకన్యలా ఉంది. గుణశేఖర్ దర్శకత్వం వహించిన ఈ సినిమాను మహాభారతం ఆధారంగా తెరకెక్కించారు.

సమంత శాకుంతలం

ఇదీ చూడండి: సమంత కోసం రూ.3 కోట్ల హోటల్ సెట్