రొమాంటిక్ స్టెప్పులతో అదరగొట్టిన చై-సామ్

సినీ జోడి అక్కినేని నాగచైతన్య, సమంత ఓ పార్టీలో డ్యాన్స్​ చేసి అలరించారు. ఇన్​స్టాలో సమంత పోస్ట్​ చేసిన ఈ వీడియో సామాజిక మాధ్యమాల్లో వైరల్​గా మారింది.

హీరో నాగార్జున పుట్టిన రోజును జరుపుకునేందుకు స్పెయిన్​ వెళ్లిన అక్కినేని కుటుంబం.. ప్రస్తుతం అక్కడ ఆనందంగా గడుపుతోంది. అందులో భాగంగా భర్త నాగచైతన్యతో డ్యాన్స్​ చేస్తున్న వీడియోను ఇన్​స్టాలో పంచుకుంది హీరోయిన్ సమంత . "నాలాగే నువ్వు ఎప్పుడూ ఉత్సాహంగా ఉండాలనుకుంటావు.. ఐ లవ్యూ.." అనే వ్యాఖ్యను జోడించింది​. 'వీ విల్​ రాక్​ యూ' అంటూ సాగే ఈ పాటకు వీరిద్దరూ రొమాంటిక్​ స్టెప్పులేశారు. కేవలం 16 గంటల్లోనే 18 లక్షలమంది ఈ వీడియోను వీక్షించడం విశేషం.

విక్టరీ వెంకటేశ్​తో కలిసి 'వెంకీమామ' చిత్రంలో నటిస్తూ బిజీగా ఉన్నాడు నాగచైతన్య. '96' రీమేక్​లో శర్వానంద్ సరసన నటిస్తోంది సమంత.

ఇదీ చూడండి: వినాయక చవితికి 'గ్యాంగ్ లీడర్' కానుక