'సామజవరగమన'.. యూట్యూబ్​లో లైకుల రికార్డు

'అల వైకుంఠపురములో' చిత్రంలోని సామజవరగమన పాట.. యూట్యూబ్​లో మిలియన్ లైక్​లు సొంతం చేసుకొని ఈ ఘనత సాధించిన తొలి తెలుగు గీతంగా నిలిచింది.

'అల వైకుంఠపురములో' సినిమాలో 'సామజవరగమన' పాట ఎంతలా హిట్​ అయిందో ప్రత్యేకంగా చెప్పాల్సిన పనిలేదు. ప్రస్తుతం ఎక్కడ చూసినా అదే వినిపిస్తోంది. అంతలా సంగీత ప్రియుల్ని ఆకట్టుకుంది. పలు రికార్డులు సృష్టించింది. ఇప్పుడు యూట్యూబ్​లో 1 మిలియన్ లైక్​లతో, ఈ ఘనత సాధించిన తొలి తెలుగు పాటగా నిలిచింది.

సామజవరగమన పాట గురించి హీరో అల్లు అర్జున్ ట్వీట్

ఈ సినిమాలో అల్లు అర్జున్-పూజా హెగ్డే జంటగా నటిస్తున్నారు. నవదీప్, సుశాంత్, టబు, రాజేంద్రప్రసాద్, జయరాజ్​ తదితరులు కీలక పాత్రలు పోషిస్తున్నారు. తమన్ సంగీతమందిస్తున్నాడు. త్రివిక్రమ్ దర్శకుడు. చినబాబు నిర్మాత. వచ్చే ఏడాది సంక్రాంతి కానుకగా జనవరి 12న ప్రేక్షకుల ముందుకు రానుందీ చిత్రం.

ఇది చదవండి: 'అరవింద సమేత' తర్వాత మళ్లీ బన్నీ సినిమా కోసం!