ట్రైలర్​తో సందడి చేసేందుకు చుల్​బుల్​ పాండే రెడీ

'దబాంగ్​ 3' ట్రైలర్​ను బుధవారం విడుదల చేయనున్నాడు హీరో సల్మాన్​ఖాన్. ఈ విషయాన్ని ట్విటర్​ వేదికగా పంచుకున్నాడీ నటుడు.

బాలీవుడ్ స్టార్ హీరో​ సల్మాన్​ఖాన్ నటిస్తున్న చిత్రం 'దబాంగ్-3'. ఇప్పటికే టీజర్​ అలరిస్తుండగా.. ఆ సందడిని మరికాస్త పెంచేందుకు ట్రైలర్​ సిద్ధమైంది. ఈ బుధవారమే ప్రేక్షకుల ముందుకు రానుంది. ఈ విషయాన్ని తానే స్వయంగా ట్విట్టర్​లో వెల్లడించాడు. ఈ సందర్భంగా హీరోయిన్ సోనాక్షి సిన్హా పాత్రను పరిచయం చేస్తూ ఓ వీడియోను పంచుకున్నాడు

ముంబయి, హైదరాబాద్​ సహా మరో 9 ప్రధాన నగరాల్లో ట్రైలర్​ లాంచ్​ వేడుకల్ని ఘనంగా నిర్వహించనున్నారు. అభిమాన సంఘాల ఆధ్వర్యంలో ఈ కార్యక్రమం జరగనుంది. వీడియో కాన్ఫరెన్స్​ ద్వారా సల్మాన్​.. అభిమానుల ముందుకు రానున్నాడు.

ముంబయిలో నిర్వహించే ప్రధాన వేడుకలో కండలవీరుడితో పాటు దర్శకుడు ప్రభుదేవా, హీరోయిన్ సోనాక్షి సిన్హా, ప్రతినాయకుడు​ కిచ్చా సుదీప్​ పాల్గొనున్నారు. ఈ నెల 25న విడుదలయ్యే 'హౌస్​పుల్​ 4' చిత్రంతో పాటు ఈ ట్రైలర్​ను థియేటర్లలో ప్రదర్శించనున్నారు.

ఇదీ చూడండి : కొడుకు కంటే విక్రమ్​కే టెన్షన్​ ఎక్కువవుతోంది..!