సల్మాన్ ఖాన్, ఐశ్వర్య రాయ్ ప్రేమ గురించి చెప్పక్కర్లేదు. ఒకప్పుడు పీకల్లోతు ప్రేమలో మునిగిన వీరిద్దరూ తర్వాత విడిపోయారు. తాజాగా ఈ అంశాన్ని గుర్తుచేశారు నెటిజన్లు. ఇందుకు కారణం ఓ ఫొటో.
'మలాల్' చిత్రం ద్వారా బాలీవుడ్లోకి తెరంగేట్రం చేస్తున్న షర్మిన్ సెగల్కు శుభాకాంక్షలు చెబుతూ సల్మాన్ఖాన్ ఓ ఫొటో షేర్ చేశాడు.ఆ ఛాయచిత్రంలో సంజయ్ లీలా భన్సాలీకి షర్మిన్ కేక్ తినిపిస్తోంది.పక్కనే ఐశ్వర్యరాయ్ ఉన్నప్పటికీ కనిపించకుండా క్రాప్ చేశాడు. అది కాస్త వైరల్గా మారింది.
సంజయ్ దర్శకత్వంలో సల్మాన్ 'హమ్ దిల్ దే చుకే సనమ్' సినిమాలో నటించాడు. 2002లో వచ్చిన ఈ చిత్రంలో ఐశ్వర్యరాయ్ హీరోయిన్. ఆ సమయంలో దిగిన ఫొటోను సల్మాన్ తాజాగా ట్విట్టర్లో పోస్టు చేశాడు. అప్పటికే వీరిద్దరూ ప్రేమలో ఉన్నారంటూ వార్తలు షికారు చేశాయి.
ఆ ఫొటోలో ఉంది ఐశ్వర్యరాయే కదా అని ఒకరు ట్వీట్ చేయగా... అవును 'హమ్ దిల్ దే చుకే సనమ్' సినిమా సెట్లో దిగిన ఫొటో అంటూ మరొకరు స్పందించారు. ఫొటోను ఎలా క్రాప్ చేశాడో చూశారా... అంటూ ఇంకొకరు ఫన్నీగా పోస్ట్ చేశారు. మొత్తానికి ఈ పాత ప్రేమికులు నెట్టింట మళ్లీ చక్కర్లు కొడుతున్నారు.
సంజయ్ లీలా భన్సాలీ తన మేనకోడలు షర్మిన్ సెగల్ను 'మలాల్' చిత్రం ద్వారా లాంచ్ చేస్తున్నాడు. ఈ సినిమాకు సంగీతం అందించడమే కాక నిర్మాతగానూ వ్యవహరిస్తున్నాడు. ఈ చిత్రంలో జావేద్ జాఫ్రే తనయుడు మెజాన్ జాఫ్రే హీరో.