సెల్ఫీ అడిగితే ఫోన్​ లాగేసుకున్న సల్మాన్

బాలీవుడ్​ స్టార్​ హీరో సల్మాన్​ఖాన్​ మరోసారి తన కోపాన్ని ప్రదర్శించాడు. ఓ అభిమాని చరవాణిలో స్వీయచిత్రం తీసుకుంటున్న సమయంలో అతడి ఫోన్​ను లాగేసుకున్నాడు.

బాలీవుడ్​ కండలవీరుడు సల్మాన్​ఖాన్​ మరోసారి తన కోపాన్ని ప్రదర్శించాడు. గోవా విమానాశ్రయంలో స్వీయచిత్రాన్ని తీసుకోవడానికి ప్రయత్నించిన అభిమాని చరవాణిని లాగేసుకున్నాడు. ఒక్క క్షణం ఆ అభిమాని ఆశ్చర్యానికి లోనయ్యాడు.

అభిమాని దగ్గర నుంచి చరవాణి లాగేసిన వీడియో ఇప్పుడు సామాజిక మాధ్యమాల్లో చక్కర్లు కొడుతోంది. అభిమాని పట్ల దురుసుగా ప్రవర్తించినట్లుగా ఆ వీడియోలో ఉంది. అతను విమానాశ్రయంలో పనిచేసే గ్రౌండ్​స్టాఫ్​గా తెలిసింది. ఈ ఘటనపై ఎలాంటి ఫిర్యాదులు అందలేదని విమానాశ్రయానికి చెందిన ఓ సీనియర్​ అధికారి తెలిపారు.

ఇదీ చూడండి.. దిల్లీ రాజకీయాల్లో అడుగుపెట్టనున్న యంగ్​టైగర్..!​