కరోనా విరామ సమయంలో కొత్త విషయాలను నేర్చుకోవడానికి ఆసక్తి చూపుతున్నాడు బాలీవుడ్ కండలవీరుడు సల్మాన్ ఖాన్. వ్యవసాయం చేస్తూ.. ట్రాక్టర్ నడుపుతున్న వీడియోను సోమవారం తన సోషల్మీడియా వేదికగా పోస్ట్ చేశాడు.
ట్రాక్టర్తో పొలం దున్నుతున్న సల్మాన్!
తనకు దొరికిన విరామ సమయంలో కొత్త పనులను నేర్చుకోవడానికి ఆసక్తి చూపుతున్నాడు బాలీవుడ్ నటుడు సల్మాన్ ఖాన్. తన ఫామ్హౌస్లో వ్యవసాయం చేస్తూ.. ట్రాక్టర్తో పొలం దున్నుతూ కనిపించాడు. దానికి సంబంధించిన ఓ వీడియోను సోషల్మీడియాలో పంచుకున్నాడు సల్మాన్.
వ్యవసాయం చేస్తూ.. ట్రాక్టర్తో పొలం దున్నుతున్న సల్మాన్
వీడియోలో పింక్ టీ-షర్ట్, నల్లని షాట్ వేసుకుని ట్రాక్టర్తో పొలం దున్నుతున్నాడు సల్మాన్. పోస్ట్ చేసిన కొన్ని గంటల్లోనే ఫొటో, వీడియోలకు 13 లక్షల వీక్షణలు లభించాయి. రైతులందరికీ గౌరవంగా ఇంతకు ముందు ఓ పోస్ట్ను వారికి అంకితం చేశాడు భాయ్జాన్.
సల్మాన్ఖాన్ చివరిసారిగా 'దబాంగ్ 3' చిత్రంతో ప్రేక్షకులను అలరించాడు. ఆ తర్వాత విడుదల కావాల్సిన 'రాధే' సినిమా లాక్డౌన్ కారణంగా వాయిదా పడింది. ఇందులో సల్మాన్ సరసన దిశా పటానీ నటిస్తోంది. ఇటీవలే తన కొత్త సినిమాకు సంబంధించిన ఓ ప్రకటన చేశాడు. ఆ చిత్రానికి 'కబీ ఈద్ కబీ దీపావళి' అనే టైటిల్ను ఖరారు చేసినట్లు చిత్రబృందం ప్రకటించింది. ఇందులో పూజా హెగ్డే హీరోయిన్గా నటించనుంది.