బాలీవుడ్లో హీరోగానే కాకుండా నిర్మాతగానూ రాణిస్తున్నాడు సల్మాన్ఖాన్. త్వరలో ఓ విభిన్న కథాంశంతో సినిమా తెరకెక్కించేందుకు సిద్ధమవుతున్నాడు. 'ఓ పెళ్లి మండపం' నేపథ్యంగా ఈ చిత్రాన్ని రూపొందించనున్నాడు. ప్రస్తుతం నటీనటుల ఎంపికలో నిమగ్నమైంది చిత్రబృందం. త్వరలోనే షూటింగ్ ప్రారంభించనున్నారు.
దిల్లీలో ఇద్దరు అన్నదమ్ములు నడుపుతున్న పెళ్లి మండపం 'బుల్బుల్ మ్యారేజ్ హాల్' ఆధారంగా ఈ సినిమా తీయనున్నారని సమాచారం. రోహిత్ నయ్యర్ దర్శకత్వం వహించనున్నాడు. ఈ దర్శకుడు ఇంతకు ముందు 'షాడో' అనే హిందీ సినిమా తీశాడు. మిలింద్ సోమన్, సోనాలి కుల్కర్ణి, రిషితా భట్ ప్రధాన పాతల్లో నటించారు.