బాలీవుడ్ కండల వీరుడు సల్మాన్ ఖాన్ వ్యాఖ్యాతగా వ్యవహరిస్తున్న రియాల్టీ షో 'బిగ్ బాస్ సీజన్‌ 13'. ఈ షోలో వ్యాఖ్యాతగా ఓ చేస్తున్నందుకుగానూ సల్మాన్ రూ.200 కోట్లు పారితోషికం తీసుకుంటున్నాడని వార్తలు వస్తున్నాయి.
'బిగ్‌బాస్‌ సీజన్‌ 4' నుంచి సల్మాన్ ఆ షోకు వ్యాఖ్యాతగా వ్యవహరిస్తున్నాడు. అయితే అప్పటి నుంచి ప్రస్తుతం జరుగుతున్న సీజన్‌ 13 వరకూ అతడి పారితోషికం ప్రతి సీజన్‌కు పెరుగుతూ వచ్చింది. ప్రస్తుతం జరుగుతోన్న సీజన్‌కుగానూ ఈ కండల వీరుడికి వారానికి రూ.13కోట్లు (అనగా ఎపిసోడ్‌కు రూ.6.5కోట్లు) పారితోషికం ఇస్తున్నారు. అయితే ఇటీవల ఆ షోను మరో ఐదు వారాలపాటు పొడిగించనున్నట్లు ప్రకటించారు. ఈ కారణంగా సల్మాన్ ఎపిసోడ్‌కు రూ.2 కోట్ల చొప్పున రెమ్యూనిరేషన్‌ను పెంచాడట.