Salman khan: కమల్​ ఖాన్​పై హీరో సల్మాన్​ఖాన్ ఫిర్యాదు

సినీ విశ్లేషకుడు కమల్​ఖాన్​పై గత నెలలో పరువునష్టం దావా వేసిన సల్మాన్​ఖాన్.. ఇప్పుడు మరోసారి ఫిర్యాదు చేశారు. కమల్, కోర్టు ధిక్కారం చేస్తున్నారని, అతడిపై తక్షణమే చర్యలు తీసుకోవాలని కోరారు.

బాలీవుడ్​ స్టార్ హీరో సల్మాన్ ఖాన్​.. మరోసారి వార్తల్లో నిలిచారు. ప్రముఖ సినీ విశ్లేషకుడు కమల్​ ఖాన్​.. కోర్టు ధిక్కారం చేస్తున్నారని, తక్షణమే అతడిపై చర్యలు తీసుకోవాలని సల్మాన్ సోమవారం ఫిర్యాదు చేశారు.

గతనెలలో సల్మాన్ 'రాధే' విడుదల తర్వాత ఆ సినిమా గురించి చెబుతూ కమల్ ఓ వీడియో పోస్ట్ చేశారు. అదికాస్త సోషల్ మీడియాలో వైరల్​గా మారింది. అందులోని వ్యాఖ్యలు తనను కించపరిచేలా ఉన్నాయని సల్మాన్ పరువు నష్టం దావా వేశారు.

కోర్టు ఆదేశించినప్పటికీ, తన క్లయింట్​ను కించపరిచేలా కమల్ ఖాన్ ట్వీట్లు చేస్తున్నారని సల్మాన్​ తరఫు న్యాయవాది సోమవారం వాదించారు. కమల్​పై ధిక్కార చర్యలు తీసుకోవాలని కోరుతూ,​ ఫిర్యాదు చేశారు.