బాలీవుడ్ స్టార్ హీరో సల్మాన్ఖాన్ మంచితనం గురించి ప్రత్యేకంగా చెప్పాల్సిన పనిలేదు. అవసరాల్లో ఉన్న వారికి సహాయం చేస్తూనే, తోటి నటీనటుల్ని ప్రోత్సహిస్తూ కానుకలు ఇస్తుంటాడు. ఇప్పుడు ఆ జాబితాలోకి 'ఈగ' ఫేమ్ సుదీప్ చేరాడు. వీరిద్దరూ ఇటీవలే 'దబంగ్ 3'లో కలిసి నటించారు. షూటింగ్ సమయంలో మంచి స్నేహితులయ్యారు. ఈ చిత్రం ఇప్పటికే బాక్సాఫీస్ వద్ద రూ.200 కోట్ల వసూళ్లు సాధించింది. ఈ నేపథ్యంలో సుదీప్కు ఖరీదైన కారును బహుమతిగా ఇచ్చాడు సల్మాన్.
విలన్ సుదీప్కు బహుమతిగా ఖరీదైన బీఎమ్డబ్ల్యూ
కన్నడ నటుడు సుదీప్కు ఖరీదైన బీఎమ్డబ్ల్యూ కారును కానుకగా ఇచ్చాడు హీరో సల్మాన్ ఖాన్. ఈ విషయాన్ని ఇన్స్టాలో పంచుకొని, ధన్యవాదాలు చెప్పాడు సుదీప్.
సుదీప్-సల్మాన్
సుదీప్ ఇంటికి వెళ్లి, సర్ప్రైజ్ చేసి, ఖరీదైన బీఎమ్డబ్ల్యూ ఎమ్5ను బహుకరించాడు సల్మాన్. ఈ సందర్భంగా ఇన్స్టాలో పోస్ట్ పెడుతూ భాయ్కు ధన్యవాదాలు చెప్పాడు.
"మీరు మంచి చేస్తే మీకు మంచే జరుగుతుంది. ఇది నిజమని నమ్మేలా సల్మాన్ చేశారు. నాపై, నా కుటుంబంపై మీరు చూపుతున్న ప్రేమకు ధన్యవాదాలు మీతో కలిసి పనిచేయడం, మీరు మా కోసం రావడం ఎంతో సంతోషం" -ఇన్స్టాలో సుదీప్