'సుశాంత్​ కుటుంబానికి అండగా ఉండండి'

సుశాంత్​ను కోల్పోవడం ఎంతో బాధ కలిగించిందన్న హీరో సల్మాన్ ఖాన్.. అతడి కుటుంబానికి అండగా నిలవాలని తన అభిమానుల్ని కోరారు.

బాలీవుడ్​ యువనటుడు సుశాంత్​ సింగ్​ రాజ్​పుత్ మృతిపై ఆవేదన వ్యక్తం చేశారు స్టార్​ హీరో సల్మాన్​ ఖాన్​. అతడ్ని కోల్పోవడం ఎంతో బాధకరమైన విషయమని అన్నారు. సుశాంత్ కుటుంబానికి అండగా నిలవాలని, తన అభిమానులను కోరారు.

"సుశాంత్​ అభిమానుల అన్న మాటలు వెనుక భావోద్వేగాలను మనం అర్థం చేసుకోవాలి. ప్రియమైన వ్యక్తిని కోల్పోవడం వల్ల కలిగే బాధ ఎంతో తీవ్రంగా ఉంటుంది. అతడి కుటంబానికి, అభిమానులకు మీరు అండగా ఉండి, ధైర్యం చెప్పాలని నా ఫ్యాన్స్​కు చెబుతున్నా"

-సల్మాన్​ఖాన్​, బాలీవుడ్​ కథానాయకుడు

సుశాంత్​ మరణానికి బాలీవుడ్​లోని నెపోటిజమ్ ఓ​ కారణమని పలువురు సెలబ్రిటీలు ఇప్పటికే ఆరోపణలు చేశారు. అతడి ఆత్మహత్యకు హీరో సల్మాన్​​, నిర్మాత కరణ్​ జోహార్, దర్శకుడు సంజయ్ లీలా భన్సాలీ, రియాచక్రవర్తి, నిర్మాత ఏక్తా కపూర్​లు కారణమని బిహార్​లోని ఓ న్యాయవాది సుధీర్​కుమార్ ఓజా ఇటీవలే కోర్టులో కేసు వేశారు. బిహార్​లోని ఓ విద్యార్థి సంఘం కూడా అతడి మృతికి నిరసన తెలుపుతూ సల్మాన్​, కరణ్​ దిష్టిబొమ్మలను తగలబెట్టారు.

పలుకోణాల్లో దర్యాప్తు

సినిమా అవకాశాలు కోల్పోయానన్న బాధతోనే సుశాంత్ మరణించాడన్న ఆరోపణలు వినిపిస్తుండటం వల్ల బాలీవుడ్‌లోని లీడింగ్‌ ప్రొడక్షన్‌ హౌస్‌లను విచారిస్తున్నారు పోలీసులు. ఈ మేరకు సుశాంత్‌తో కాంట్రాక్ట్‌కు సంబంధించిన వివరాలు తెలియజేయాలని యశ్​‌ రాజ్‌ ఫిలిమ్స్​‌కు లేఖ పంపారు. తాజాగా ఈ కాంట్రాక్ట్​ సంబంధించిన వివరాలను పోలీసులకు నివేదించింది యశ్​రాజ్​ ఫిలిమ్స్​. ఈ నేపథ్యంలో ఇప్పటికే అతడి కుటుంబసభ్యులు, పనిచేసే సిబ్బంది, సన్నిహితులకు సంబంధించిన 15మంది వాంగ్మూలాలు తీసుకున్నారు పోలీసులు.

ఇది చూడండి :