Salman Khan Shahrukh Khan movie: బాలీవుడ్ కండలవీరుడు సల్మాన్ ఖాన్, స్టార్ హీరో షారుక్ ఖాన్ మరోసారి కలిసి నటించే అవకాశం ఉంది. 1995లో వచ్చిన 'కరణ్-అర్జున్' తర్వాత పూర్తి స్థాయి చిత్రంలో వారు కలిసి నటించలేదు. అయితే ఒకరి సినిమాలో మరొకరు.. అతిథి పాత్రల్లో మెరుస్తూ అభిమానులను అలరించారు. ఇక షారుక్ కొత్త సినిమా 'పఠాన్'లో సల్మాన్, భాయ్ 'టైగర్ 3'లో బాద్షా గెస్ట్ రోల్ చేయనున్నట్లు కొన్నాళ్లుగా వార్తలొస్తున్నాయి. అవి నిజమేనని స్పష్టం చేశారు సల్మాన్.
"నేను, షారుఖ్‌ కలిసి 'టైగర్ 3', 'పఠాన్' చిత్రాల్లో నటిస్తున్నాం. ఇందులో 'టైగర్ 3' వచ్చే ఏడాది డిసెంబరులో విడుదల కానుంది. అంతకంటే ముందే 'పఠాన్' ప్రేక్షకుల ముందుకు వచ్చే అవకాశాలున్నాయి. భవిష్యత్తులో మేమిద్దరం కలిసి మరో చిత్రంలో కూడా నటించొచ్చేమో"
-సల్మాన్ ఖాన్, నటుడు