'కొన్ని విషయాలు గుర్తుకొస్తే సంతోషం కంటే బాధే ఎక్కువ'

బాలీవుడ్ హీరో సల్మాన్ ఖాన్, ఐశ్వర్యా రాయ్​లు ప్రేమలో ఉన్నట్లు వార్తలొచ్చాయి. ఓసారి ఇద్దరి మధ్య గొడవ జరిగినప్పుడు సల్మాన్ తల గొడకేసి బద్దలు కొట్టుకున్నాడని చెప్పుకున్నారు. దీనిపై ఓ ఇంటర్వ్యూలో సల్మాన్ స్పందించాడు.

బాలీవుడ్‌ చిత్రసీమలో ఎన్నో ప్రేమకథలు, మరెన్నో సంఘటనలు, బాధలు, అనుభవాలు కోకొల్లలుగా ఉంటాయి. ఏ హీరో-హీరోయిన్లను తీసుకున్న వారి జీవితంలో ఎప్పుడో ఒకసారి బాధపడి ఉంటారు. అలాంటి ఘటననే సల్మాన్‌ ఖాన్‌ జీవితంలోను జరిగింది.

మాజీ విశ్వసుందరి ఐశ్వర్యా రాయ్‌ - సల్మాన్‌ ఖాన్‌ కలిసి 'హమ్‌ దిల్‌ దే చుకే సనమ్‌'లో నటించారు. సంజయ్‌ లీలా భన్సాలీ నిర్మాణదర్శకత్వంలో తెరకెక్కిన ఈ సినిమా బాక్సాఫీసు దగ్గర కాసుల వర్షం కురిపించింది. అప్పుడే ‌ వీరిద్దరు ప్రేమలో ఉన్నట్లు వార్తలొచ్చాయి. ఓ సారి ఇద్దరి మధ్య గొడవ జరిగినప్పుడు తన తలను గోడకేసి బద్దలు కొట్టుకున్నాడని బాలీవుడ్ వర్గాల్లో వినిపించింది. అప్పట్లో ఇరువురి మధ్య కొంత మనస్పర్థలు కూడా వచ్చాయని అప్పట్లో సినీ వర్గాలు చెప్పుకున్నాయి. దీనిపై గతంలో ఓ ఇంటర్వ్యూలో సల్మాన్‌ స్పందించాడు.

"కొన్నిసార్లు మా ఇద్దరి మధ్య సరైన అవగాహన లేనప్పుడు, నేనే ఎంతో బాధపడ్డాను తప్ప.. వేరెవ్వరిని నొప్పించలేదు. జీవితంలో కొన్ని విషయాలు గుర్తుకు తెచ్చుకున్నప్పుడు సంతోషం కంటే బాధపెట్టిన సంగతులే బాగా గుర్తుంటాయి" అని చెప్పాడు సల్మాన్.