రెబల్ స్టార్ ప్రభాస్ ప్రస్తుతం నటిస్తున్న చిత్రం 'సలార్'(Salaar Technologies). 'కేజీఎఫ్' చిత్రంతో దర్శకుడిగా మంచి పేరు సంపాదించిన ప్రశాంత్ నీల్ ఈ సినిమాను రూపొందిస్తున్నారు. వీరిద్దరి కాంబోలో వస్తున్న ఈ మూవీపై అభిమానులకు ఆసక్తి పెరుగుతోంది. తాజాగా ఈ చిత్రానికి సంబంధించిన ఓ వార్త సినీ వర్గాల్లో చక్కర్లు కొడుతోంది .
ఈ సినిమా కోసం హాలీవుడ్లో ఉపయోగించే 'డార్క్ సెంట్రిక్ థీమ్'ను(Dark Centric Theme Technology Movies) ఉపయోగిస్తున్నట్లు తెలిసింది. బ్యాట్మన్ ఫిల్మ్ సిరీస్, టెనెట్, మ్యాట్రిక్స్ మొదలైన చిత్రాలకు ఈ సాంకేతికతను ఉపయోగించారు.
భారీ బడ్జెట్తో రూపొందుతున్న ఈ చిత్రంలో శ్రుతిహాసన్ హీరోయిన్గా నటిస్తోంది. ఇప్పటికే 50 శాతానికి పైగా చిత్రీకరణ పూర్తయినట్లు సమాచారం. వచ్చే ఏడాది ఈ సినిమాను ప్రేక్షకుల ముందుకు తీసుకురానున్నారు.