12 ఏళ్ల తర్వాత రెండో 'బంపర్ ఆఫర్​'తో

పూరీ జగన్నాథ్ సోదరుడు సాయిరామ్ శంకర్ హీరోగా కొత్త చిత్రం ఖరారైంది. 12 ఏళ్ల క్రితం వచ్చిన 'బంపర్ ఆఫర్​'కు కొనసాగింపుగా దీనిని తెరకెక్కించనున్నారు.

ఓ సినిమా విజయం సాధిస్తే దానికి సీక్వెల్ చేయడం ఓ పద్ధతి. ఆ చిత్ర పేరునే కొనసాగిస్తూ మరో కొత్త కథను తీసుకురావడం మరో పద్ధతి. ఇప్పుడీ రెండో పద్ధతిలోనే సాయిరాం శంకర్ హీరోగా 'బంపర్ ఆఫర్ 2' చిత్రానికి రంగం సిద్ధమైంది. జయ రవీంద్ర దర్శకుడు. సురేష్ యల్లంరాజు, సాయిరామ్ శంకర్ సంయుక్తంగా నిర్మిస్తున్నారు. ఈ సినిమాను శనివారం అధికారికంగా ప్రకటించారు.

సాయిరామ్ శంకర్ 'బంపర్ ఆఫర్ 2'

"బంపర్ ఆఫర్ విజయం నేపథ్యంలో 12 ఏళ్ల తర్వాత అదే పేరుతో రెండో భాగం తీసుకొస్తున్నాం. ఇది సీక్వెల్ కాదు. రాయలసీమ నేపథ్యంలో పూర్తి కమర్షియల్ ఎంటర్​టైనర్​గా రూపొందించనున్నాం. ఉగాది సందర్భంగా ఏప్రిల్​లో రెగ్యులర్ చిత్రీకరణ ప్రారంభిస్తాం. ఇందులోని ఇతర నటీనటులు, సాంకేతిక నిపుణుల వివరాల్ని త్వరలో ప్రకటిస్తాం" అని నిర్మాత సురేశ్ తెలిపారు.