కథానాయిక సాయిపల్లవికి.. తన ఇంటి నుంచే పోటీ మొదలవుతున్నట్లు తెలుస్తోంది. సాయిపల్లవికి పోటీ మరెవరో కాదు ఆమె సోదరి పూజా కన్నన్. డ్యాన్స్‌తో పాటు చలాకీతనంలోనూ అక్కతో పోటీపడే పూజా.. తరచూ తన ఫొటోలు, వీడియోలను సోషల్‌మీడియాలో షేర్‌ చేస్తుంటుంది.
పూజ.. అందం, అభినయానికి ఫిదా అయిన ప్రముఖ స్టంట్ మాస్టర్ శివ.. తాను దర్శకత్వం వహించనున్న మొదటి సినిమాలో ఆమెకు అవకాశం ఇచ్చినట్లు సమాచారం. శివ చెప్పిన కథ నచ్చడం వల్ల కథానాయికగా తెరంగేట్రం చేసేందుకు పూజా కూడా గ్రీన్‌సిగ్నల్‌ ఇచ్చినట్లు ప్రచారం జరుగుతోంది. ఈ క్రమంలోనే సాయిపల్లవికి ఇంటి నుంచి పోటీ మొదలైందని కోలీవుడ్లో అందరూ చెప్పుకుంటున్నారు.