'ప్రతిరోజూ పండగే' అంటున్న హిట్ జోడీ

సాయిధరమ్ తేజ్ కొత్త సినిమాకు 'ప్రతిరోజూ పండగే' అనే టైటిల్​ను ఖరారు చేసింది చిత్రబృందం. హీరోయిన్​గా రాశీఖన్నా నటించనుంది.

ఇటీవలే చిత్రలహరి సినిమాతో ఫామ్​లోకి వచ్చాడు హీరో సాయిధరమ్ తేజ్. త్వరలో కొత్త చిత్రాన్ని ప్రారంభించనున్నాడు. గీతా ఆర్ట్స్ నిర్మిస్తోంది. మారుతి దర్శుకుడు. హీరోయిన్​గా రాశీఖన్నా ఎంపికైంది. 'ప్రతిరోజూ పండగే' అనే టైటిల్​ను చిత్రబృందం ఖరారు చేసింది.

ఈ నెల 27 నుంచి సెట్స్​ మీదకు వెళ్లనుంది చిత్రం. తేజు-రాశీ జోడీ ఇప్పటికే 'సుప్రీం'తో ఆకట్టుకున్నారు. మరోసారి మురిపించేందుకు సిద్ధమవుతున్నారు. సినిమాను సంక్రాంతికి ప్రేక్షకుల ముందుకు తెచ్చే అవకాశముంది.

ఇది చదవండి: ఓ సినిమా కోసం ముగ్గుర్ని ఒప్పించిన హీరో సందీప్ కిషన్