హీరో సాయిధరమ్​కు 'ప్రతి రోజూ పండగే'​..!

'చిత్రలహరి' సినిమాతో మంచి విజయం అందుకున్న సాయిధరమ్‌ తేజ్‌ మరో సినిమాకు కొబ్బరికాయ కొట్టేశాడు. ఈ కొత్త చిత్రానికి మారుతి దర్శకుడు. రాశిఖన్నా కథానాయిక. అల్లు అరవింద్‌ సమర్పణలో బన్నీవాసు నిర్మిస్తున్నాడు.

సుప్రీమ్​ హీరో సాయి ధరమ్‌ తేజ్‌ మరో కొత్త ప్రాజెక్టుతో రెడీ అవుతున్నాడు. సోమవారం లాంఛనంగా షూటింగ్‌ మొదలైంది. ఈ చిత్రానికి 'ప్రతి రోజూ పండగే' అనే టైటిల్​ పెట్టారు. రాశిఖన్నా హీరోయిన్​గా మారుతీ దర్శకత్వంలో సినిమా రూపుదిద్దుకోనుంది. ముహూర్తపు సన్నివేశానికి నిర్మాత దిల్‌ రాజు క్లాప్‌నివ్వగా అల్లు అరవింద్‌ కెమెరా స్విచ్‌ ఆన్‌ చేశారు. అల్లు అరవింద్‌ సమర్పణలో బన్నీవాసు ఈ చిత్రాన్ని నిర్మిస్తున్నారు. అన్ని వర్గాల వారిని ఆకట్టుకునే కథతో రూపొందించనున్నట్లు సమాచారం. తమన్‌ సంగీతం అందించనున్నారు. గతంలో 'సుప్రీం' సినిమాతో సూపర్‌ జోడీగా పేరుతెచ్చుకున్న సాయి ధరమ్‌ తేజ్, రాశిఖన్నా... మరోసారి కలిసి కనువిందు చేయనున్నారు.

'ప్రతి రోజూ పండగే' మూహూర్తపు సన్నివేశాలు