రికార్డుల 'సాహో'

బాహుబలి తర్వాత యంగ్ రెబల్ స్టార్ ప్రభాస్ నటిస్తోన్న చిత్రం 'సాహో'. ఇటీవల బాలీవుడ్ నటి శ్రద్ధా కపూర్ బర్త్ డే సందర్భంగా విడుదల చేసిన సాహో మేకింగ్ వీడియో సామాజిక మాధ్యమాల్లో రికార్డులు సృష్టిస్తోంది.

ప్రభాస్​, శ్రద్ధా కపూర్​ జంటగా తెరకెక్కుతోన్న చిత్రం 'సాహో'. ఈ చిత్రానికి సుజీత్ దర్శకత్వం వహిస్తున్నాడు. స్పై థ్రిల్లర్​గా వస్తోన్న ఈ సినిమా మేకింగ్​ వీడియో మూడు రోజుల్లోనే 15 మిలియన్ల మార్కు చేరుకుంది. సాహో సాధించిన రికార్డులను ట్విట్టర్లో పంచుకుంది చిత్రబృందం.

సాహో రికార్డులు

• రూ. 300 కోట్ల భారీ బడ్జెట్​తో ఈ మూవీని నిర్మిస్తున్నారు. నీల్ నితిన్ ముకేశ్, అరుణ్ విజయ్, ఎవ్‌లిన్ శర్మ, జాకీ ష్రాఫ్, చుంకీ పాండే ప్రధాన పాత్రల్లో కనిపిస్తున్నారు. ఈ ఏడాదే ప్రేక్షకుల ముందుకు తెచ్చేందుకు సన్నాహాలు చేస్తున్నారు.
• గతంలో విడుదలైన సాహో తొలి చాప్టర్​ యూట్యూబ్​లో 14 మిలియన్ల వీక్షణలు సాధించింది.