నీల్ నితిన్ ముఖేష్.. తెలుగు తెరకు దొరికిన మరో పవర్‌ఫుల్‌ విలన్. 'కవచం' సినిమాతో ప్రతినాయకుడిగా టాలీవుడ్‌లో అడుగుపెట్టిన ఈ బాలీవుడ్ నటుడు.. త్వరలో ప్రతిష్ఠాత్మక 'సాహో' చిత్రంతో మరోసారి ప్రేక్షకుల్ని అలరించబోతున్నాడు. ప్రభాస్‌ కథానాయకుడిగా నటిస్తోన్న ఈ చిత్రం ఆగస్టు 15న తెలుగు, తమిళ, హిందీ భాషల్లో విడుదల కాబోతుంది.
తాజాగా నీల్ నితిన్ చక్రాల కుర్చీలో వెళ్తున్న ఓ ఫొటోను తన ట్విట్టర్ ఖాతాలో పంచుకున్నాడు. ఇంతకీ ఎందుకలా ఆయన చక్రాల కుర్చీ ఎక్కాల్సి వచ్చింది అని కంగారు పడకండి. విషయమేంటంటే.. ఈ టాలెంటెడ్‌ విలన్ త్వరలో కథానాయకుడిగా కొత్త అవతారంలో ప్రేక్షకుల్ని పలకరించబోతున్నాడట.