1368 అడుగులపై ప్రభాస్​, శ్రద్ధా డ్యూయెట్​

ప్రభాస్​ కథానాయకుడిగా నటిస్తున్న చిత్రం సాహోలో ఓ పాటను ఆస్ట్రియా కొండల్లో చిత్రీకరించారు. 1368 అడుగుల ఎత్తైన ప్రాంతంలో కేబుల్​ కార్లలో వెళ్లి షూట్​ చేశారు.

ప్రభాస్​ కథానాయకుడిగా నటిస్తున్న సాహోలోని ఓ పాట చిత్రీకరణ కోసం ఎంతో రిస్క్​ తీసుకుంది చిత్రబృందం. ఆస్ట్రియాలోని 1368 అడుగుల ఎత్తున్న మంచు కొండలపై చిత్రంలోని ఓ పాటను ఇటీవల షూట్​ చేశారు. అక్కడికి వెళ్లేందుకు కేబుల్​ కార్లను వినియోగించింది చిత్రబృందం.

సుజీత్​ దర్శకత్వం వహిస్తున్న ఈ చిత్రంలో శ్రద్ధాకపూర్​ కథానాయిక. బాలీవుడ్‌కి చెందిన ప్రముఖ నృత్య దర్శకురాలు వైభవి మర్చంట్‌ నేతృత్వంలో ప్రభాస్, శ్రద్ధాకపూర్‌లపై పాటని తెరకెక్కించారు.

సుందరమైన ప్రదేశాల్లో చిత్రీకరించిన ఈ పాట సినిమాకే ప్రధాన ఆకర్షణగా నిలుస్తుందని సాహో బృందం తెలిపింది. జిబ్రాన్‌ ప్రపంచస్థాయి నాణ్యతతో నేపథ్య సంగీతం సమకూరుస్తున్నారని చిత్రవర్గాలు తెలిపాయి.

తెలుగు, తమిళం, హిందీ భాషల్లో ఏకకాలంలో రూపొందుతున్న ఈ చిత్రాన్ని ఆగస్టు 15న ప్రేక్షకుల ముందుకు తీసుకొస్తున్నారు. ఇటీవలే విడుదలైన సాహో టీజర్​ మంచి క్రేజ్​ సంపాదించుకుంది.

ఇదీ చూడండి: అందుకే 'ఆమె'ను తొలగించారా..!