యంగ్ రెబల్ స్టార్ ప్రభాస్ హీరోగా నటించిన 'సాహో'.. ప్రపంచవ్యాప్తంగా వసూళ్ల సునామీతో రికార్డులు సృష్టిస్తోంది. విడుదలైన మూడు రోజుల్లో రూ.294 కోట్ల గ్రాస్ వసూలు చేసిన ఈ చిత్రం.. మరో అరుదైన ఘనత సాధించింది. ప్రపంచవ్యాప్తంగా వారాంతంలో అత్యధిక మొత్తం సాధించిన రెండో సినిమాగా నిలిచింది. ఈ జాబితా టాప్లో హాలీవుడ్ చిత్రం 'హాబ్స్ అండ్ షా' ఉంది. తర్వాతి స్థానాల్లో 'ద లయన్ కింగ్', 'వన్స్ అపాన్ ఏ టైమ్ ఇన్ హాలీవుడ్', 'ఏంజల్ హ్యాస్ ఫాలెన్' ఉన్నాయి.
బాలీవుడ్లో రూ.100 కోట్లకు చేరువలో ఉంది 'సాహో'. ఈ విషయాన్ని ప్రముఖ సినీ విశ్లేషకుడు తరణ్ ఆదర్శ్ ట్విట్టర్లో పంచుకున్నాడు. ప్రస్తుతం రూ.93.28 కోట్ల వసూళ్లతో సెంచరీ వైపు పరుగులు పెడుతోందీ చిత్రం.